|
|
Тилисми гунбади афлокро чу пора кунем,
Ба чашми ақл ба асрори ӯ назора кунем.
Дигар малоф ту аз сарбаландӣ, эй афлок,
Ба даври чархи ту худро чу моҳвора кунем.
Зи қаҳр мешавӣ гоҳе сиёҳу гоҳ сафед,
Ки рози пардагиёнат ба ҳар канора кунем?
Вакили мардуми мо дар зиёфати Миррих
Бидод ваъда, ки ин сулҳро дубора кунем.
Тавонгарӣ нигар, эй офтоб, мардуми хок,
Ки хоку олами афлокро идора кунем.
Ба назди ахтари толеъ мурод кай ҷӯем,
«Ки ноз бар фалаку ҳукм бар ситора кунем».
1957.
|
|
