|
|
Қасри булӯр бар асари бефарӣ шикаст,
Қасри зуҳур - мояи беҷавҳарӣ шикаст.
Ботин харобу ҷилваи зоҳир ҷаҳон гирифт,
Даври қасида бо қалами Анварӣ шикаст.
Дил аз забон ҷудову забон аз сифоти ҳақ,
Аз дасти раҳравон пару боли парӣ шикаст.
Ҳофиз миёни қофилаи омиёни шеър
Бо сад забон сурудаю лафзи дарӣ шикаст.
Дар мадду ҷазри даври қамар хок хун гирифт,
То новадони ҳикмати баҳру барӣ шикаст.
Покӣ зи об рафтаю саҳрост обшор,
Аз чашми чашма шеваи нилуфарӣ шикаст.
Бишнав, сурӯш мерасад аз ғайб, аз ҳузур,
Як лаҳза гӯш дор, ки сурби карӣ шикаст.
1991.
|
|
