http://www.cit.tj http://www.cit.tj http://www.cit.tj http://www.cit.tj http://www.cit.tj http://www.cit.tj  
  1. Corpuses
 
  1. News

 
 
  1. Sponsors
Babilon - T

Babilon - M

 
 


1941 - 2000



Куҷо шуд муи мушкинат, куҷо шуд дасти гулчинат.mp3
: ~ 1149 kb - 1.1 mb
Куҷо шуд мӯи мушкинат?
Куҷо шуд дасти гулчинат?
Куҷо шуд Моҳу Парвинат?
Куҷо шуд ёри ширинат?
Чу тире бар ҳаво рафтӣ,
Чу атре бо сабо рафтӣ,
Куҷо рафтӣ, ҷавониам?
Ҷавониам, куҷо рафтӣ?

Куҷо шуд авҷи парвозат?
Куҷо шуд ҳусни оғозат?
Куҷо шуд ишваву нозат?
Куҷо шуд фасли эъҷозат?
Чу ахтар аз само рафтӣ,
Чу кафтар аз фазо рафтӣ,
Куҷо рафтӣ, ҷавониам?
Ҷавониам, куҷо рафтӣ?

Куҷо шуд шавқи дарёят?
Куҷо шуд ганҷи дунёят?
Куҷо шуд ҷони шайдоят?
Куҷо шуд доғи савдоят?
Ба даргоҳи худо рафтӣ,
Чаро аз мо ҷудо рафтӣ?
Куҷо рафтӣ, ҷавониам?
Ҷавониам, куҷо рафтӣ?

Тароват ку? Муҳаббат ку?
Садоқат ку? Саодат ку?
Зи ғамхорон мурувват ку?
Зи бадгӯён маломат ку?
Зи ман, эй бевафо, рафтӣ,
Зи умрам чун сафо рафтӣ.
Куҷо рафтӣ, ҷавониам?
Ҷавониам, куҷо рафтӣ?

Зи шеърам чун дуо рафтӣ,
Зи созам чун наво рафтӣ,
Зи чашмам чун зиё рафтӣ,
Зи дастам чун сахо раафтӣ

Равою нораво рафтӣ
Сазою носазо рафтӣ
Куҷо рафтӣ, ҷавониам?
Ҷавониам, куҷо рафтӣ?

Зи мо рафтӣ ба асрорат,
Ба ашъорат, ба афкорат.
Зи мо рафтӣ, худо ёрат,
Вале бо ҷумла осорат
Чаро рафтӣ, ҷавониам,
Чаро рафтӣ, чаро рафтӣ?
Куҷо рафтӣ, ҷавониам?
Ҷавониам, куҷо рафтӣ?

Лоик Шерали


  1. Choice of language
  1. You know ...
The first monitor appeared in 1964 in the world for computer IBM 2250. The monochrome display in the size of 12*12 inches had the resolution of 1024*1024 points and supported frequency of updating the screen in 40
About school| Material's| Library| Our work| Contact's| Forum| Site map|