ХОСТГОРӢ
Ман бо ту ба колхоз дароям, чӣ шавад,
Андар бағали пахта сароям, чӣ шавад,
Ҳар гоҳ қатори ман мукофот гирӣ,
Пас бар ту талабгор бароям, чӣ шавад?
Ҷоно, ту дар ин давр, ки озод шудӣ,
Чодар зи рухат фиканда дилшод шудӣ.
Гардам зи сарат, ки духтари колхозӣ,
Аз меҳнати коллективӣ обод шудӣ!
Омад ҳавасе чанд, ки сӯяш нигарам,
Бинам рухи маҳҷабини озодатарам.
Дидам ба хиром омада озод арӯс,
Гуфтам ки чӣ давлатест, омад ба сарам.
Хуш бош, дило, ки маҳҷабин омадааст,
Озоданигори пахтачин омадааст,
Кардам ба дил уммед, ки ёраш бошам,
Бингар, ки ба ман чӣ сон қарин омадааст.
1949
|
